Montim varresh në Shqipëri, Kosovë, Maqedoni e Mal të Zi

Çfarë përfshin montimi i varrit

Montimi nuk është thjesht vendosje gurësh. Ai përfshin:

• ngarkimin e pjesëve në punishte dhe transportin deri te varreza
• përgatitjen e vendit dhe hedhjen e bazamentit
• vendosjen e pllakave, kokës së varrit dhe aksesorëve
• fiksimin e çdo pjese që të mos zhvendoset
• pastrimin e varrit dhe të rrethinës pas punës

Pjesët priten dhe lustrohen më parë në punishte, kështu që në varrezë punohet vetëm për bazamentin dhe bashkimin.

Bazamenti: beton, hekur dhe zgarë

Bazamenti është pjesa që nuk duket, por që mban gjithçka. E ndërtojmë me beton, hekur armature dhe zgarë, me një çimento të fortë, që baza të mos lëvizë me kalimin e viteve. Mbi të vendosen pllakat dhe fiksohen në mënyrë që të mos ulen e të mos shkëputen. Ky është arsyeja pse garancia jonë prej 15 vitesh me shkrim mbulon si punimin, ashtu edhe montimin.

Transport varri me automjetet tona

Kemi 4 automjete dhe 8 montues që punojnë vetëm për montime. Nuk ia japim transportin dikujt tjetër: varri ngarkohet në punishten tonë dhe shkarkohet në varrezë nga i njëjti ekip që e montoi. Për varrezat jashtë Tiranës dhe jashtë shtetit, transporti llogaritet veçmas dhe jua shkruajmë në ofertë që në fillim.

Vendosje varri: kur dhe sa zgjat

Porosia bëhet rreth një muaj përpara montimit. Puna në punishte ndjek të njëjtin ritëm gjatë gjithë vitit, ndaj ky afat vlen në çdo stinë. Kur varri është gati, vendosja në varrezë zakonisht mbaron brenda një dite. Nëse keni urgjencë, na telefononi dhe shohim si mund ta zgjidhim.

Për raste kur koha është e shkurtër, kemi edhe modele të gatshme nga importi, të cilat montohen brenda 2–3 ditësh.

Ku bëjmë montim varri

Montojmë në të gjitha qytetet e Shqipërisë, nga Tirana, Durrësi dhe Vlora deri në Kukës, Gjirokastër e Shkodër. Jashtë kufirit punojmë në Prishtinë dhe Prizren, në Shkup, Tetovë dhe Dibër, si dhe në Ulqin, Tuz, Plavë, Guci dhe Tivar. Që nga viti 2002 punojmë edhe në Kosovë, Mal të Zi dhe Maqedoninë e Veriut. Procedurat me varrezën i ndjekim ne, ndaj familja nuk ka nevojë të vijë. Listën e plotë e gjeni te zonat ku punojmë.

Baza të përkohshme për 40 ditët e para

Pas varrimit, toka ka nevojë për kohë që të ngjishet. Për këtë periudhë vendosim baza të përkohshme, që varri të ketë një pamje të rregullt deri sa të montohet guri përfundimtar. Ju këshillojmë për momentin e duhur të montimit kur na shkruani.