Riparim varresh dhe restaurim i varreve të vjetra

Çfarë përfshin riparimi i varrit

Bëjmë të gjitha punët që i duhen një varri të vjetër ose të dëmtuar:

• pastrim i thellë i gurit
• lustrim i sipërfaqes që ka humbur shkëlqimin
• rifugim i bashkimeve midis pllakave
• ngritje e varrit që është ulur
• ndërrim i pllakave të thyera ose të plasaritura
• rigdhendje e mbishkrimit që nuk lexohet më
• riprarim i shkronjave të zbehura

Pjesët e reja priten në punishten tonë nga i njëjti lloj guri, aq sa është e mundur, që riparimi të mos bjerë në sy.

Vlerësim me foto nga kudo që jeni

Nuk keni nevojë të vini në varrezë që të dini çfarë duhet bërë. Na dërgoni në WhatsApp në +355 68 657 9999 disa foto: një nga larg që tregon gjithë varrin, një nga afër për çdo dëmtim dhe një për mbishkrimin. Nga këto foto ju themi çfarë mund të riparohet, si do të bëhet dhe sa do të kushtojë. Shumë familje që na shkruajnë jetojnë jashtë shtetit.

Rregullim varri që është ulur ose lëvizur

Varret e vjetra shpesh janë montuar pa bazament të fortë, ndaj me vite ulen nga njëra anë ose pllakat zhvendosen. Në këto raste i heqim pllakat me kujdes, ndërtojmë një bazë të re me beton, hekur dhe zgarë dhe i rivendosim gurët në nivel. Pas rregullimit pllakat fiksohen që të mos lëvizin më.

Një varr i ulur nuk është vetëm çështje pamjeje. Kur pllakat anojnë, uji qëndron në bashkime, futet poshtë gurit dhe dëmtimi rritet çdo dimër. Sa më shpejt të rregullohet, aq më pak pjesë duhen ndërruar.

Pastrim varresh si shërbim dhe mirëmbajtje vjetore

Për familjet që nuk mund të shkojnë shpesh në varrezë, bëjmë pastrim periodik dhe mirëmbajtje vjetore. Graniti mjafton të pastrohet me leckë e ujë, ndërsa mermeri kërkon shumë më tepër kujdes, sepse me kohë nxihet. Nëse doni ta bëni vetë, kemi shkruar udhëzuesin si pastrohet graniti dhe mermeri.

Riparim apo varr i ri?

Kur mermeri është plasaritur në shumë vende ose kur guri është shumë i nxirë, riparimi mund të mos japë rezultatin që pret familja. Atëherë ju tregojmë sinqerisht edhe mundësinë e zëvendësim varri me një model të ri graniti. Vendimi mbetet gjithmonë i juaji.